مردان یونیورسٹی میں ترقی پسند طالب علم مشعل خان کے بہیمانہ قتل کے خلاف اپنے احتجاجی سلسلے کو جاری رکھتے ہوئے پروگریسیو یوتھ الائنس نے یہ فیصلہ کیا ہے کہ اس کنونشن کو مشعل خان کی جدوجہد اور قربانی کو منسوب کیا جائے گا

ریاستی پشت پناہی میں عبدالولی خان یونیورسٹی مردان کے طالبعلم مشعل خان کے بہیمانہ قتل کے خلاف 16 اپریل بروز اتوار پروگریسو یوتھ الائنس(PYA) کی جانب سے چکدرہ پریس کلب کے سامنے احتجاجی مظاہرہ کیا گیا جس میں مالاکنڈ یونیورسٹی کے طلبہ نے بھی شرکت کی

مظاہرین نے اس انسانیت سوز واقعے کے خلاف شدید نعرے بازی کی اور ذمہ داران کو پھانسی دینے کا مطالبہ کیا۔ مظاہرین نے مطالبہ کیا کہ دہشت گردوں کی ریاستی پشت پناہی بند کی جائے

میں انقلابِ وقت ہوں
میں زیست کی مثال ہوں
میں بھی تو مشال ہوں

پورے پاکستان میں طلبہ میں اس کے خلاف غم و غصہ موجود ہے اور وہ اس انسانیت سوز واقعے کے خلاف سراپا احتجاج ہیں۔ پروگریسو یوتھ الائنس فیسوں میں اضافے، تعلیمی اداروں میں انتظامیہ کے جبر، مفت تعلیم، روزگار، طلبہ یونین کی بحالی سمیت سوشلسٹ انقلاب کی جدوجہد جاری رکھے گا۔ صرف اسی صورت میں مشعل کے خون کا بدلہ لیا جاسکتا ہے جو کہ ہم سب پر قرض ہے

مشعل خان کے بہیمانہ قتل کے خلاف آج 15 اپریل کو کوئٹہ پریس کلب کے سامنے احتجاجی مظاہرہ کیا گیا جس میں تمام ترقی پسند طلبہ تنظیموں نے بھر پور شرکت کی اور مشعل خان کو خراج تحسین پیش کیا